Ehsaas

Posted in By Eon Heath 22 comments

Dil ki banjar zameen thi,
Yaadon ka gulistan liye baitha tha…
Tum aaoge iski umeed tho nahi thi magar,
Ek jhalak ki aas liye baitha tha…

Guzra jo manzar tha pyaar ka,
Kisi toofan ki tarah chala gaya…
Ojhal kiya nazron se usse,
Jo dil ko sabse pyaara tha…

Jannat ko bhi thukra du rabba,
Tu pathjad mein jo usko basa de agar…
Muskura kar jahan chod du,
Janaze ko woh dekhne aaye agar…

Rishtey toh sabhi paraye hue,
Ishq mein itna madhosh jo raha…
Saaye ne bhi saath na diya,
Is mein uska bhi toh koi dosh na tha…

Aaj phir dhadkano ko mehsoos hua,
Teri aahat mere abroo ko choo gayi…
Tu tassavur hai mere khayalon ki,
Lo aaj phir mujhe tanha chod gayi…

Khamosh si teri palkon par,
Kuch jazbaat ubhar kar reh gayi...
Khata teri bhi nahi shayad,
Shama jalne se pehle hi jo dhal gayi...



My sincere apologies to all my readers who dont understand "Hindi", but i do promise to come up with something else soon. Recent times have been a bit hectic, so didnt get to concentrate on my blog. And i do remember of my promise to a couple of my readers to come up with a "Happy Happy" post, am trying, will surely write something before Valentines...
:)

The Silhouette...